好多男人去到咁上下年紀，就有力不從心嘅表現，有可能係因為體質轉弱，亦有可能同對手唔夠吸引力有關！如果喺床上遇到嘅女人換成又索又姣嘅山岸逢花，相信再頹嘅男士都會變得硬朗起來！事實上，呢位人氣AV女優唔止可以令男人回春，更加可以令一間AV廠重振雄風，問你服未！
花無百日紅！日本AV廠同一般企業冇乜分別，歷史愈耐，愈容易出現業績下滑嘅問題，就好似齒輪總會有滑牙嘅一天，要重拾正軌，除咗可以從改善管理文化入手，亦可引入具實力嘅新血，為公司帶嚟新氣象！好似AV廠Premium，成立至今已有14年，曾經為AV迷帶嚟好多殿堂級女優，好似穗花、小川亞沙美、乃亞等等。不過，前幾年因為搵唔到有實力嘅專屬女優擔大旗，業績一度下滑，好彩喺3年前搵到山岸逢花幫手，先可以重振雄風！現年27歲嘅山岸逢花，擁有一張姊系面孔，笑起嚟嘴角含春，加上雙眼電力十足，令好多男士都暈晒大浪。
逢花嘅身材亦充滿曲線美，胸前唔算偉大，但身軀柔軟，配合一身白滑冰肌，隨便擺個姿勢都非常誘人。
逢花喺2017年7月以Premium專屬女優嘅身份登陸AV界，其專屬合約一直保留至今。入行之前，逢花係一名電視台女主播，但只係業餘性質，所以未能令觀眾留下深刻印象。據逢花憶述，當初之所以由主播轉做女優，其實係受SOD專屬小花戶田真琴嘅啟發。原來逢花一直視真琴為偶像，曾經參加過佢嘅見面會，因而漸漸有效法偶像嘅念頭。阿妹又話自己嘅性經驗甚為豐富，所以一開始拍AV，已能表現出熟練嘅床技，好多人都被其騷在骨子裏嘅演技所俘虜。事實上，逢花好識得挑逗男優，動作溫柔之餘，每每能擊中對手嘅癢處，加埋表情放蕩，實在令AV迷睇得如癡如醉，難怪能夠為一度處於頹勢嘅Premium帶嚟起色，誇啲講句，真係一個撐起成間廠！
山岸逢花嘅人氣高企，除咗靠天賦本錢嚟取悅男士，仲因為佢好識得透過社交網同觀眾保持接觸，包括披露新作嘅資訊、分別日常生活照等等。
網址：https://twitter.com/aikayamagishi
年齡：27歲
身高：5呎3吋
三圍：33-24-32
撰文：賢