冇理由企定定等死㗎？

「嘉樂仔」搞暑期足球訓練班

到呢一刻仲未有班落嘅球員，坦白講真係冇諗過會咁多，希望過一排個情況可以好番啲。雖然前路看不清，但都冇理由企定定等死o架，好似上半季踢和富大埔嘅許嘉樂（圖左）咁，有「C牌」嘅佢之前一直拍住「大佬」梁冠聰，帶一間中學同一間小學嘅代表隊。家陣仲等緊一、兩間球會回覆嘅「嘉樂仔」，嚟緊就會搵埋情況差唔多嘅兩位「行家」梁星耀同李家豪，喺佢帶開校隊嘅一間小學，搞暑期足球訓練班，想知多啲詳情，就去「嘉樂仔」嘅Facebook睇啦！

「仲等緊呀，之前都有同啲球隊跟吓操，亦都傾過一兩間，但新球季都冇咁快開，相信都要等多陣。仲有幾個月，都要搵啲嘢搞吓，講唔上係創業，只係咁啱啫。嚟緊有冇班落都好，只要有機會我都會繼續考上去，將來都想試吓喺教波方面發展。」「嘉樂仔」咁講。