拍晒心口「特事特辦」？ 港超球會：問多次FIFA啦唔該！

香港飛馬、理文、富力R&F、冠忠南區、標準流浪和傑志6間港超球會，以及新季初戰港超聯的晉峰，昨日派代表出席假足總舉行的港超聯會。會上除就新季「註6出5」的外援名額表決外，大部分時間都集中討論新簽球員是否可獲「特事特辧」。

FIFA文件根本冇明確表示

會後傑志會長伍健應港超聯會主席黃良栢之邀，向在場傳媒交代會議內容：「坦白講，我哋都好想FIFA真係有特事特辦，容許新簽球員喺復賽上陣。但實際情況係法律事務委員會睇過相關文件後，又真係冇講到新簽球員可以踢復賽。反而係強調一旦球隊唔夠球員，就提升旗下青年軍或者預備組去解決。」

伍健希望足總尋求清晰指引。

傑志過往簽入科蘭（左），令港超關注度大增。

伍健續稱：「我哋各球會嘅要求好簡單，希望向FIFA攞一個最簡單嘅回覆，踢得定唔踢得。我哋都好想有特事特辦，但香港只係FIFA其中一個好細嘅成員，睇唔到有咩理由會畀港超聯特事特辦。」

盃賽上陣限制照舊

另外伍健亦提到會上一致同意，今屆未舉行的3項盃賽決賽，將沿用一直以來的章則，就是在同一盃賽中，之前曾為其他球隊上陣的球員，轉會後不得再在同一盃賽披甲，以維持賽事競技的公平性。

落實註6出5增特定外援

來季港超外援名額的安排，亦成為昨日會議討論重點，會議上各間球會代表投票表態，最終通過下季採用「註6出5」外援名額的安排，其中對新增名額的外援，亦有新定義。

設出場條件

昨日與會代表商討由現時港超外援的「註5＋1＋1出4」制，改成來季「註6出5」，動議經投票表決後，獲大部分球會支持。當中新增第5個出場名額必須是 「特定外援」（designated player），而該名外援亦需曾於現時世界排名頭50的聯賽上陣，或需是國際足協排名前50屬會上陣的「國腳級外援」，以確保外援的質素。另外會上亦交代「特定外援」的出場條件，如果球會在比賽想用盡5位外援名額，其中1名必須是「特定外援」，意味球會或需要註冊多名合資格外援，以確保競爭性。

有份出席的傑志會長伍健，會後承認投下贊成票。過往「藍鳥」曾高調引入世盃金球獎得主科蘭，一度令本地球圈關注度大增，伍健坦言當時花費雖大，但收益亦相當可觀，並分享當中經驗：「當年科蘭加盟，成個過程使咗好多錢，但啲錢係返到嚟，係圍到皮，其實大家都想喺疫情過後刺激球市。」

伍健強調「註6出5」能否成事，依然要視乎足總董事會的決定，惟未有任何定案前，他不敢作任何引援決定。至於投反對票的理文，認為應着重給予本地年輕球員更多機會，但表示尊重友會的決定。

圖／文：林卓臻