林恩許杜度談離隊原因

效力傑志4年半的前澳洲小國腳林恩許（Jared），早前在Instagram上載一幅背景為傑志球迷，自己則在慶祝入球的照片，他發文感謝「藍鳥」當年，讓一位來自西悉尼的小伙子加盟，並指效力這家球會是一份榮幸。Jared又為這幾年與隊友合作和打拚感恩：「感謝隊友們創造足以讓我銘記一世嘅回憶，與呢班傑出嘅團隊合作，呢5年別有一番意義。」

林恩許答謝藍鳥球迷

他同時亦向傑志球迷送上謝意：「傑志能成為香港最佳球隊嘅原因係球迷，足球冇咗球迷就一無所有，呢句說話對傑志嚟講特別貼切。」最後他表示本來十分樂意留隊，只是決定權並非在自己身上。

杜度感激大埔甜蜜回憶

至於巴西後衞杜度（Dudu）亦在IG答謝舊會和富大埔。效力「綠戰士」4年期間，杜度上陣接近100場、射入18球、奪得兩座重要獎盃，為他創造了「千斤重的回憶」。Dudu亦感激大埔球迷，這4年的擁戴令所有辛勞都變得值得。

杜度特別提及會長李宗德博士和其夫人李麥潔娉的關懷和誠懇支持，之後暗示了部分他投的原因：「遺憾地呢個唔係我最期望離開大埔嘅方法，但球員已經幾個月冇糧出。」不過他仍對大埔心存感激：「感恩大埔當初為我打開嚟香港踢波嘅大門。感謝『綠戰士』同成個大埔社區，我希望大家一切順利！」

黃雋謙報道