去色情網站睇球星聽落相當騎呢，不過上榜球員又的確係魅力十足，好似「冠軍」C朗就出晒名身材勁Fit，佢嘅CR7底褲品牌廣告更加係勁Sexy，至於C朗死敵美斯就憑「鄰家男孩」形象，成功進佔第2位。第3位就有效力巴黎聖日耳門嘅莫路伊卡迪，呢位阿根廷前鋒成身紋身夠晒野性，而且佢老婆Wanda同樣以「着得少」見稱，相信莫路伊卡迪可以進佔三甲，老婆都有唔少功勞。
碧咸都係搜尋Top10
第4位開始分別有阿歷斯山齊士、基利安麥巴比、保羅戴巴拿、夏薩特、史達寧、賓施馬，英格蘭「萬人迷」碧咸雖然已經退休多年，但仍然可以躋身第10位。