今年2月重返佳聯元朗執教的郭嘉諾，傳聞早前提前同球會解約，第二度和「橙軍」分手，趁近日有空閒時間，「嘉諾sir」決定繼續學業。正等待「Pro牌」復課的呢位「熱血教練」，已開始着手寫論文。
向來鍾意行山遠足嘅「嘉諾sir」，近期頻頻向香港各個山峰發出挑戰，不時喺個人社交平台分享點滴，未知係咪喺山徑途中有感而發，剛剛成功「征服」獅子山的「嘉諾sir」（圖），打算將這個極具本土代表性嘅自然地標，寫入論文當中：「希望將獅子山融入香港足球！」咁「貼地」的論文題材都畀佢諗到，難怪「嘉諾sir」喺本地球迷心目中人氣高企。
（郭嘉諾IG圖片）
