之前本報都報道過，有唔少喺港超聯搵食嘅巴西外援，已經陸續離開香港返番祖國照顧屋企人，但係其實仲有幾位「森巴」強援選擇繼續留喺香港，其中包括傑志中場基爾頓、翼鋒蘇沙、門將保羅以及東方龍獅後衞艾華度及基頓。
據蘇沙及保羅Instagram日前上載嘅相片顯示，佢哋幾位巴西同鄉日前着晒恤衫，喺一個會所入面歎住靚酒咁「Chill」（圖），雖然幾位未能返鄉下，但望落佢哋個樣都冇因為咁而唔開心。另外據悉，蘇沙同保羅分別會喺今個月同埋6月，喺香港住夠7年合資格申請特區護照，唔知蘇沙開始辦理手續未呢？好多球迷都好期待佢可以着起香港隊波衫喎。
（保羅IG圖片）
