蔡振賢 梁嘉恆 Mocha+Latte 友情味濃

「對『蔡振』嘅第一印象一定係好戇居，同埋阿媽煮咗飯唔同我哋食飯。」梁嘉恆說。他們的故事要由13歲講起，兩人當年在青年軍結緣，回憶起對對方的第一印象時，他們彷彿回到當日一樣，重拾昔日童真，互相挖苦調侃。對於「嘉恆」的評論，「蔡振」反駁說：「你唔返屋企食飯，你好壞！『嘉恆』除咗踢波，真係咩都唔識！」

體能教練 = 愛情專家

這對「澳門孖寶」長大後，曾在澳門球隊勵馳、澳門發展隊、蒙地卡羅攜手合作，這幾段時光都為他們的友誼奠下深厚的基礎。及後雖曾分道揚鑣，但2018年夏天，兩人在主教練陳曉明的邀請下，一同加盟理文，同時展開「同居」生活。

梁嘉恆	上季攜手為理文贏得球會首個重要錦標菁英盃。	可以互相挖苦，足見兩人交情匪淺。

兩人「住埋」將近兩年，「嘉恆」透露一個鮮為人知的秘密：「『蔡振』好鍾意做家務！」正當記者欲追問之際，「蔡振」搶先「反擊」：「『嘉恆』對家務係零貢獻，佢嘅任務主要係唔好整污糟地方就已經好叻。」面對「蔡振」的指控，「嘉恆」反問：「我都有打掃過你唔講？」

所謂「近朱者赤，近墨者黑」，縱使「嘉恆」沒有愛上做家務，但卻因「蔡振」而愛上喝咖啡和紅菜頭汁，「蔡振」笑言：「其他嘢我唔會認叻，但係講到飲咖啡呢樣嘢，我真係當之無愧！」問及會用哪款咖啡形容對方時，「嘉恆」不假思索便回答：「Mocha，又黑又醜，佢成日飲。」而「蔡振」則笑言：「Latte！因為佢最愛Latte（梁嘉恆太太的英文名）！」

談到人生大事，「蔡振」坦言有結婚打算，當大家以為「蔡振」可趁機向「嘉恆」偷師時，「嘉恆」反指自己需向「蔡振」取經：「『蔡振』唔單止係體能教練，仲係理文愛情專家。佢對愛情好有研究，仲有為理文職球員副修愛情。」沒料到平日為人低調的「蔡振」竟自豪地回應：「戀愛呢啲嘢你識幾多？」如此看來，他們的友情仍是純真未變。

文：何彥霆