亞洲男人見到外國男士嘅特長「兵器」，都會不禁為之讚嘆，但係就唔會覺得自卑，因為佢哋覺得自己短小精悍又夠硬朗，一樣唔會輸蝕。咁又係呀！好多日本寫真女優都係生得細細粒，但卻魅力非凡，就好似十味咁喇！
好多男人都作風粗豪，食飯鍾意大杯酒大塊肉，但係粗豪唔代表粗心大意，對於溝女有時都會好細心，對於小巧細緻嘅東西亦情有獨鍾，當然包括欣賞靚女方面，好似十味呢種小巧美人就迷倒唔少男人喇！
今年21歲嘅十味五官標致，一對精靈有神又水汪汪嘅大眼睛就最具吸引力，難怪被寫真界稱為「顏面最強」。而十味比好多精靈美少女優勝之處，仲包括身材小巧而婀娜，雖然身高唔夠5呎，但係曲線玲瓏，上圍更擁有一對E奶極有睇頭，同時一身肌膚鮮嫩白滑，可謂集美顏、美胸、美肌於一身，十味如此優質，難怪亦被封為「高規格之美少女」。
提到寫真界形容十味嘅用詞有好多，除咗上述兩個之外，仲包括「奇迹之美Body」以及「奇迹之原石美少女」。講起後者呢個稱呼，原來當中有個笑話！據十味表示，家陣呢個藝名係媽媽幫佢改嘅，但係佢就唔多滿意，曾經一度想改名。有一日，當媽媽見到有雜誌稱呼十味為原石美少女，就氣沖沖咁追問阿妹係咪改咗藝名叫原石乜乜，搞到十味唔知好嬲定好笑！
其實十味唔使改名喇，因為呢個名易記又令人印象深刻，而且一路發展落嚟亦一帆風順，人氣高企，好似最近雜誌《週刊少年Champion》就搵佢第三次合作拍攝寫真，而且為隆重其事，特別安排20頁紙刊登佢嘅寫真，為雜誌有史以來於同一期書內佔有頁數最多嘅女優，絕對係超強待遇呀！
十味不時會將自己嘅寫真以及自拍性感照上載到社交網同大家分享，想欣賞呢位「奇迹之美Body」，就要多啲Click上去睇喇！
網址：https://twitter.com/toomi_nico
年齡：21歲
身高：4呎11吋
三圍：34E-23-33
撰文：賢