3個半月冇見！賽艇姊妹煮餐好慰勞媽咪
香港體育學院昨日解除「封院令」，香港「賽艇姊妹」李嘉文及李婉賢，終能回家探望久別的家人，二人大嘆「感動到喊」。她們更透露4姊弟準備合力「煮餐好」，與媽媽一同慶祝母親節。
李嘉文：陸上訓練都Keep到狀態
體院自3月25日實施「封院」後，運動員當時只獲准在體院範圍內訓練，香港划艇隊亦因此只能留在室內進行陸上訓練。5屆亞運元老，划艇運動員李嘉文（Carmen）表示，雖然有近2個月未有「落水」，但她認為狀態未受影響：「今年大部分比賽都取消，所以缺乏水上訓練影響唔大，我哋主要透過帶氧運動保持體能，好似划艇機、單車機、跑步咁。」李婉賢稱自周一（4日）起隊伍已重新「落水」，她坦言惦掛「戰艇」，但作為專業運動員，技術不會因此生疏。
李嘉文之前隨隊到加拿大集訓，及後因疫情轉差及本港實施入境限制，在3月尾回港並進行14日強制檢疫，完成後連回家時間也沒有便回體院「閉關」。
Carmen慨嘆已近3個半月未曾與父母見面：「今次係做運動員以嚟，冇返屋企最耐嘅一次，爸爸媽咪都打電話嚟問我，點解咁耐唔返屋企。」她希望趁母親節慰勞媽媽：「我最想返屋企同家人食飯，我哋幾姊弟準備煮餐好，同媽咪一齊慶祝母親節！」
黃雋謙報道