同早幾年相比，今季經巴古沙介紹嚟香港嘅球員，真係少咗好多，過咗5月31號之後，可能連一個都冇添！事關馬希卡歷、拉高域同摩域治3個，已經收到愉園會方通知，將唔會同佢哋續約。
由太陽飛馬嘅卡拉歷開始，歷年經由巴古沙介紹嚟香港落班嘅有摩域治、雲迪奴域、史高域、拉斯錫、丹贊奴域、古積特、保贊、馬希卡歷同拉高域。雖然唔係個個都好出色，但起碼過半都有好表現，令球迷留下深刻印象。
但係隨住愉園3寶不獲續約，個市況又唔多理想之下，恐怕短期內都未必會再有「巴古沙事務所」嘅球員出現喇。巴古沙本人就咁講：「或者有球會對佢哋3個有興趣呢？Bighead你會幫手o架嘛！」咪幫緊你手囉！
大頭
