幾乎全世界體育賽事因為疫情停擺，多個國家呼籲群眾要留在家中，但尼加拉瓜就舉行一場具爭議性的拳賽，吸引過千觀眾入場，但比賽背後原來有苦衷。
這場比賽在首都可以容納8,000多人的體育中心舉行，門票免費開放，由於新冠肺炎疫情全球嚴重，為了安全起見，賽會只容10分1的觀眾入場，所有拳手、教練及觀眾等，抵達會場都要戴上口罩，包括兒童在內的拳迷亦要噴上消毒劑，入場時要量體溫，觀眾睇比賽的座位距離亦相隔1米，做足防護措施。
今次比賽共8場，由於拳手上擂台比賽無法戴口罩，所以賽會在第1個回合開始，就會用消毒劑將拳手由頭噴到腳才展開對賽；而舉牌女郎及工作人員都要全程戴上口罩。
尼加拉瓜目前僅有11名新冠肺炎確診者，主辦單位負責人是前世界冠軍艾華利斯，他表示主辦這個比賽主要是幫助拳手生計：「尼加拉瓜係一個貧窮國家，拳手都要搵食，佢哋唔可以只坐喺屋企。喺尼加拉瓜無特別隔離，但政府同衞生部盡咗好大努力，令呢一種病毒唔會喺我哋國家停留太耐，我哋好好彩，至今確診數目唔多，但我哋仍需努力。」目前該國的棒球及足球聯賽已進行，所有工作人員已返回工作崗位。