冠忠南區預計7月中「開操」

冠忠南區fb專頁貼相，感謝幾位外援包括文迪斯（白衫）的付出及貢獻。

冠忠南區周一透過球隊Fb專頁，公布4名外援查維斯、迪亞高、狄卡奧和文迪斯將會離隊，其中前3位已離港返國，唯獨文迪斯因阿根廷機場仍未解封，故仍留港並居住在會方提供的宿舍，直至可以起行為止。

• 陳文俊

已羅致一新外援

據冠忠南區主席陳文俊表示，該隊至今已與16名舊將續約，當中包括兩名外援川賴浩太和列文，此外簽入了1名新援，預算在下月初公布。待足總正式公布「復賽」之賽程，球場又重新開放的話，冠忠南區預計會在7月第2個星期左右「開操」，為今季餘下賽事作準備。另外球迷最關心的新帥人選，「陳主席」表示已落實，但就未有透露詳情，只謂新帥是「大家都認識的」。

「雖然之前都有啲傳聞，話冠忠南區將會唔搞，而我亦好早講明係『流料』嚟，下季嘅港超聯一定有冠忠南區喺度。但班費方面，一定唔會好似呢兩季咁大投資，不過就算點樣減，呢隊南區嘅實力都唔會同之前相差好遠，呢一點我可以保證。」「陳主席」堅定地道。