日前多位港超聯巴西外援已暫時返鄉，但仍有部分球員因不同原因暫時留港，當中包括東方龍獅入籍前鋒辛祖、中堅艾華度同傑志翼鋒蘇沙。佢哋幾位近期都有做運動保持體能狀態，好似辛祖喺屋企舉吓啞鈴操弗肌肉，佢嘅隊友艾華度就約埋傑志球員蘇沙行山，兩個仲喺Instagram上載片段，當中佢哋喺條斜路上練跑，分別用最快嘅速度跑上去，真係睇見都辛苦。
