第二批森巴兵啟程返國
繼艾里奧、費蘭度等一眾港超巴西外援離港返鄉下後，東方龍獅前鋒盧卡斯、中場利馬、冠忠南區前鋒迪亞高等第二批「森巴」球員，日前亦坐飛機啟程返祖國。
據東方前鋒艾華頓嘅社交網站限時動態顯示，佢哋幾位當日搭乘嘅航班相當少人，盧卡斯座位旁邊更加係冇人。而南區中場狄卡奧亦趁住長達10幾個鐘嘅行程期間，調位同艾華頓同迪亞高「Chill一Chill」，不過眼見佢哋影相嗰陣冇戴口罩，睇嚟可能機艙太焗又或者有啲鬆懈，希望佢哋落機之後記得「戴番個罩」，保持身體健康，先可以再返嚟香港踢波o架嘛！
繼艾里奧、費蘭度等一眾港超巴西外援離港返鄉下後，東方龍獅前鋒盧卡斯、中場利馬、冠忠南區前鋒迪亞高等第二批「森巴」球員，日前亦坐飛機啟程返祖國。
據東方前鋒艾華頓嘅社交網站限時動態顯示，佢哋幾位當日搭乘嘅航班相當少人，盧卡斯座位旁邊更加係冇人。而南區中場狄卡奧亦趁住長達10幾個鐘嘅行程期間，調位同艾華頓同迪亞高「Chill一Chill」，不過眼見佢哋影相嗰陣冇戴口罩，睇嚟可能機艙太焗又或者有啲鬆懈，希望佢哋落機之後記得「戴番個罩」，保持身體健康，先可以再返嚟香港踢波o架嘛！