恭喜晒！愉園潘沛軒榮升大佬

在2月上演的「菁英盃」閉門作賽中，表現大爆發的愉園右翼衞潘沛軒榮升「大佬」！其弟弟於昨日早上10時許出世，體重6磅6安士，面對家中新成員，「潘沛」表示十分開心，會全心全意愛護弟弟。

因疫情關係，「潘沛」把握父親，前港甲名將潘文俊暫時留港時機，兩仔爺每日不是在家中操體能，便跑斜路練氣。「有排都未有波踢，但無論球會教練定阿爸，都成日提我要做好準備，等遲啲一嚟就踢得！」「潘沛」謂儘管自己今季聽到不少稱讚的聲音，但一定不會自滿，將努力不斷求進。

眼見太太Chris誕下與自己的愛情結晶品，潘文俊在電話訪問中不禁流露興奮之情，「梗係開心啦！之後要再畀心機搵錢喇！因為疫情嘅關係，暫時都未使返上去住，趁呢段時間搞多啲屋企嘢囉。『阿哥』（指潘沛軒）會幫手啦！」擔任中乙深圳壆崗主教練的潘文俊笑說。