全體召集足總抗疫短片有心思
香港全城正為抗疫而奮鬥，豈會少了足球界一分力！為進一步加強大家「留家抗疫」，以及「StayHomeSaveLives」的意識，香港足球總會邀請了10支港超球隊的球員代表，並製作抗疫短片，祝願疫情可以盡快過去，讓廣大球迷可以再次開開心心球場相見！
10位代表輪流發言
10位應邀參與短片製作的球員，在短片中輪流發言，除感謝球迷朋友的支持外，還以「句駁句」形式宣揚了一些防疫意識，以及需要注意的事項：
冠忠南區門將謝德謙：「各位球迷，多謝你哋一直以嚟對我哋嘅支持。」 →理文中場李康廉：「依家香港面對住一個好大嘅疫情。」 →愉園門將屠俊翹：「而港超聯都因為呢個疫情而無得比賽。」 →東方龍獅門將葉鴻輝：「所以我希望大家可以喺呢段時間，好好保護自己。」 →富力R&F後衞梁諾恆：「咁希望大家可以留多啲喺屋企。」 →和富大埔前鋒中村祐人：「勤力啲洗手，盡量少啲出街。」→佳聯元朗中場黎格爾：「減少不必要嘅聚會。」 →香港飛馬中場郭子堦：「好好咁保護自己，保持健康。」 →傑志後衞唐建文：「一齊打贏呢場抗疫戰！」 →標準流浪門將盧兆崎：「希望你哋繼續支持本地足球。」