足球壇有所謂「現象級球員」，意思指其表現超卓、頂級，放諸於另一個「球壇」─AV界，同樣有所謂「現象級女優」。事實上，講起AV界偶像，好多人都會第一時間諗起三上悠亞，但如果話佢係最初被低估嘅一類女優，咁友田彩也香嘅情況可謂剛剛相反，因為佢一出道已被設計成未來日本AV界嘅偶像兼天后，最終亦成功由日本紅到去海外，現象級AV偶像實至名歸。
娛樂圈好需要偶像，AV界作為女神集中地，當然亦要有偶像嘅存在。事實上，各個AV女優事務所同片廠一直好積極地發掘偶像級女優，因而造就咗友田彩也香嘅崛起，令阿妹成為現象級AV女優。喺日本東京出生嘅友田彩也香，不知不覺已喺AV界出道超過10年！2009年10月，佢以AV片廠kawaii專屬女優身份出道，當時佢所屬嘅事務所同片廠已積極搞宣傳活動。迷人嘅樣貌，甜美嘅笑容，冇得頂嘅三圍，同恰到好處嘅身高，本身已經係惹火尤物，配合埋鋪天蓋地嘅宣傳攻勢下，未正式出道已成功吸引廣大AV迷嘅注意，到處女作《新人！kawaii專屬Debut》推出，更被人搶購一空！
作為一位AV界新星，呢個成績確實相當亮麗，亦吸引其他片廠嘅注意。2010年3月時，友田彩也香被另一大型片廠MOODYZ強邀過檔，喺大量宣傳活動催谷下，佢嘅人氣更係直線爆升。眼見友田彩也香有着超高人氣，事務所覺得佢轉做單體企劃女優嘅話，獲得嘅利潤會更大，於是佢喺同年12月，離開MOODYZ轉以企劃單體女優身份，繼續喺AV事業發熱發亮。可能有人會問，乜企劃單體唔係會做到殘咩？原來當時事務所認為，以友田彩也香嘅AV銷量，如果用傳統方法搵錢，收益會少咗，亦會令佢冇時間向藝能界發展。事實上，當佢轉型做企劃單體女優後，2011年6月就以第二期生身份加入性感AV女優團體「OFA☆21」，開始向藝能界邁進。
雖然友田彩也香積極向藝能界發展，但仍不忘老本行，以1個月約4套AV嘅產量慰藉粉絲。喺2012年5月舉辦嘅第二屆SOD國民偶像選舉中，友田彩也香以超高票數奪冠，亦從此奠定佢喺日本AV界嘅天后級地位。人愈紅，搞作亦愈多，同年8月，佢又夥同北川瞳、周防雪子、桐谷由莉亞等人氣AV女優，以組合「PINKEY」名義推出首張單曲CD《LOVE BEAT》，成功喺藝能界彈起之餘，更喺東亞各地巡迴演出。
友田彩也香能夠喺藝能界冒起，除咗靠亮麗嘅外形，亦因為唱功同舞藝同樣突出。原來佢一直密謀喺藝能界發展，所以不斷練習舞蹈同唱功，當機會嚟到，先可以把握到上位機會。2015年1月，佢宣布離開「PINKEY」，正當大家以為佢會單飛之際，同年2月即宣布加入AV片廠KMP旗下AV女優團體「Million Girls Z」，之後更成為Million嘅專屬女優，背後原因仍是錢作怪，皆因阿妹發覺自己已經冇乜時間兼顧AV演出，轉做專屬女優嘅話，收入有更大保障。2016年12月，佢離開Million同宣布退團，翌年4月轉會Attackers，跟住又轉過多間片廠，並喺2018年加盟Max-A兼成為人氣女優團體「惠比壽麝香葡萄」嘅成員。同年11月，友田彩也香喺「Sky PerfecTV! 成人放送大獎」中獲得高清AV組別嘅年度女優，去年3月再喺「Sky PerfecTV! 成人放送大獎」獲最佳作品獎。由此看來，呢位女優真係紅足咁多年，果然係現象級AV偶像！
簡介： 友田彩也香唔經唔覺已出道10年，期間佢推出咗唔少精彩作品，要慢慢睇，真係好花時間，呢套《10周年紀念作品》就最啱重溫，片中收錄咗佢出道以嚟嘅經典場面，認真精彩。
出生地：東京
身高：160cm
三圍：33E-22-31
撰文：魂