寶娃自爆電話號碼搵人吹水
或者真係屈喺屋企悶到癲，啱啱宣布退役嘅俄羅斯網壇天后舒拉寶娃（圖），竟然喺社交平台放咗個「深水炸彈」，公開自己嘅電話號碼，叫人同佢傾吓計，呢個消息一出，即有過百萬點擊，相信寶娃呢排一定唔會寂寞。
要知道舒拉寶娃嘅社交平台，有過千萬Like，佢呢個Post一出就反應熱烈，寶娃話：「我想同大家傾計，因為上個禮拜我玩咗一次『你問我答』。我哋都係隔離緊，每個人都要保持距離，希望你話我知真正嘅諗法，我會將電話號碼話你哋知，畀短訊我就可以喇！」
曾是網球世界一姐的舒拉寶娃於今年2月突然宣布退役，結束20年的網球生涯，這位32歲的體壇名將未有透露掛拍後的去向。