安達帶領小朋友Keep Moving
即使港超聯能否復賽成疑，標準流浪中場安達並沒有因此停下來，反而把握賽事暫停之際開設私人班，教授小朋友踢足球。為了保障健康，授課過程跟足衞生準則，好讓學生及家長安心。
這名37歲入籍港將透露，早前成立一所私人足球訓練學校，教授不同年齡層、能力水平的學生踢足球，他道出自己的目標：「我嘅學生入面有唔同人，有啲目標甚至唔係想成為職業足球員，只係想提升體能，而我亦希望向所有人推廣足球。」而在這段所有足球賽事停擺的時間，他的足球課程仍然維持服務，好讓學員在疫情肆虐期間保持一定運動量。受訪當日，安達位於一座私人屋苑會所，教授兩位小朋友踢足球：「呢段時間佢哋唔使返學，屈喺屋企。佢哋父母想佢哋出去郁吓，所以就搵我幫佢哋訓練，保持體能狀態又可以提升技術。」
為學生提供搓手液
此外，因應政府早前頒布禁止人數多於4人嘅聚會，安達為保障大家健康安全，亦為課程做足衞生準備：「每一班我淨係會教最多2位學生，訓練時盡量令大家保持距離，而且我自己都會戴住口罩教班，並會為學生提供酒精搓手液，將健康風險減到最低。」