新冠肺炎疫情對東京奧運能否如期上演的壓力愈來愈大，多個國家已經表態，甚至講明會杯葛，香港奧委會將密切留意疫情發展再作考慮，然而疫情對香港體壇已經嚴重打擊，運動員無場練、業界無工開，港協已去信政府申請支援。
港協暨奧委會義務秘書長王敏超表示，疫情令體育界失去預算：「關注運動員當然係首選，喺準備奧運嘅大前題下，運動員冇場館練習，有關運動嘅各行各業都手停口停，政府亦冇明確支援我哋業界，我哋好希望可以得到援助及資格。」港協於周一已去信民政事務局反映，並希望可獲得關注。
日前港協亦與國際奧委會（IOC）進行視像會議，IOC初步意向是保持不變，並呼籲各會員國與當地政府配合，為運動員提供訓練場地：「依家好多運動員冇得練習，原因當然要安全為首。IOC目標都想今年可以完成奧運，我哋初步都會跟從IOC方案，相信大部份亞洲國家都支持繼續，唔想延期。」
王敏超個人認為由於奧運涉及的運動項目太多，延期的確會有很多影響，如期上演的方案都有很多處理方法：「安排提早兩周前要到埗做隔離，為運動員提供包機直接參賽等等，其實唔改期舉行都有方法可以考慮，IOC都喺觀察當中。」目前為止，香港已累積獲得30張奧運入場券，但由於部份奧運外圍賽叫停，影響了港將爭取資格的部署。