陸平中：指示叫我畀啲火
昨日和富大埔與理文要鬥到互射12碼才分出勝負，其中大埔教練團加時末段的絕妙換人成為賽事轉捩點，派出陸平中（Felix）入替錢兆琛把關，前者如荷蘭門神告魯爾上身般不負眾望，互射12碼期間救出理文梁嘉恆和尼迪利的主射，成為晉級功臣。
大埔下半場83分鐘有麥保美被逐，勝利可謂得來不易。臨危受命的陸平中由撲出兩球12碼後，到隊友衝前擁抱慶祝，表現十分冷靜。然而賽後受訪時卻一度激動哽咽：「冇指示，只是叫我要畀啲火。」至於為何兩番「捉到路」，他打趣謂：「可能對手以為我右腳有傷，覺得我唔得，咁我咪撲番嗰邊。」
本為大埔主力門將的陸平中一直受傷患困擾，傷愈後積極復操，早前「菁英盃」已回歸大軍名單，卻未有上陣機會。儘管今次關鍵時刻交出表現，但Felix依然未肯定正式復出日期，反而不忘將勝果歸功於比賽大部分時間為球隊把關的正選門將錢兆琛，及一眾隊友：「真係頂咗成場，唔係佢哋，我都唔會有機會出場。」