朱偉鈞謝家榮車仔足校Friend到港超
富力R&F與愉園球員昨於「菁英盃」分組賽鬥得火熱，不過球場外，愉園前鋒朱偉鈞和富力門將謝家榮卻情同手足。
朱偉鈞和謝家榮同是1999年出生，均出身自車路士足球學校（香港），由年幼踢青年軍開始，至過去兩季效力夢想FC，兩人做了多年隊友。直至今季，他們終於拆夥，「家榮」轉投富力，朱偉鈞回歸愉園。昨日愉園對富力，是這對兄弟首次在職業賽對壘。
朱偉鈞坦言感高興：「同『家榮』由細踢到大，依家喺職業賽埸上見番大家。雖然做對手，但睇到佢進步咗好多，自己都好開心。」謝家榮亦指感覺特別：「愉園好多球員都同我由青年軍開始做隊友，依家喺職業賽場見到大家，感覺好奇妙！仲有鮑家耀、岑國培、陸冠邦等教練睇住我哋成長，見番佢哋感覺幾特別。」談到兩人將來，謝家榮將目標放得更遠：「終於一齊踢職業，最大目標係第時一齊入選香港隊！」朱偉鈞則期望未來可再組「兄弟軍」：「由最初因為足球令大家走埋一齊，到大家都以足球為事業，如果有機會，我想所有『車仔』隊友再次踢埋同一隊，一齊攞冠軍！」
