足總呈獻on.cc東網直播 好戲連場
足總呈獻、閉門作賽的「菁英盃」分組賽，今午續假將軍澳賽馬會香港足球總會足球訓練中心（FTC）上演兩場B組賽事，頭場由以年輕球員為骨幹的愉園鬥小組賽未嘗1勝的和富大埔。尾場佳聯元朗與冠忠南區合演榜首大戰，兩支地區球隊必拚盡爭奪首名。（on.cc東網周三下午1時起直播）
愉園新力量鍊和富大埔
今季於「菁英盃」4戰皆北的和富大埔，出線機會僅存在數字上的機會，就算今仗全取3分，假若冠忠南區於尾場贏波，亦將面臨出局的命運。「綠戰士」先後簽入塞爾維亞籍門將古斯美及前南韓U23國腳金承龍等新援，惟仍未辦妥工作證，球隊今仗有金玟基、麥保美及楊賜麟累積5面黃牌停賽，另外亦有陸平中及廖偉業養傷。
助攻慣！袁世傑搶開齋
大埔門將錢兆琛認為，因新冠肺炎疫情封場致賽事延期，變相令球隊有更多時間備戰︰「肺炎呢件事畀咗球隊一段休息時間，我哋早排打得密，之前一直都輸，希望休息完可以去調整，因為我哋啱啱先換教練，都適應緊新踢法。」
目前排小組第3位的愉園，仍有望拉近與榜首的距離。今季於「快活谷」不乏上陣機會的20歲翼鋒袁世傑稱，會用「菁英盃」舞台展現實力︰「教練講過『菁英盃』會出多啲年輕球員，唔諗太多，盡量去發揮最想做同擅長嘅嘢。」今季已錄得3個助攻的「世傑」，亦希望盡快「開齋」︰「之前首循環對過大埔，熟悉佢哋某啲球員嘅特性，知道佢哋擅攻但防守較弱，希望貢獻多啲助攻同爭取到今季第一個入球。」
佳聯元朗鬥冠忠南區
剛於日前誠邀「風車Sir」郭嘉諾重掌帥印的佳聯元朗，現時於B組暫居次席，僅落後榜首的冠忠南區3分，只要今仗贏波便能以較佳對賽成績登上榜首。今季5場分組賽均正選上陣的門將黃梓豪，坦承自己表現可以更好︰「我需要嘅係穩定性，控制自己心態，點樣喺球場上思考。自己之前幾場波表現都算可以，但自知仍有好多改善空間。」
淋巴炎自我隔離 「梓豪」歸隊
「梓豪」早前因淋巴發炎自我隔離數日才歸隊，談到今仗對手南區，他提醒隊友切忌犯錯︰「我哋上場對南區0比0，雖然對方冇乜攻勢，但係有球後防唔集中單對單就差啲輸埋場波，所以我哋喺呢啲細節位要小心啲，有時比賽可能就係鬥出錯少。」
暫居B組首名的冠忠南區，今仗贏波便可擴大領先優勢。今季從凱景加盟的守衞劉穎笙（Rinson），期望能協助球隊奪冠︰「球隊最近幾日做咗好多防守上嘅訓練，同埋用5後衞嘅陣式，相對嚟講防守係穩陣嘅，睇吓有冇機會幫到球隊攞個冠軍返嚟。」Rinson更表示，隨着郭嘉諾重返元朗，加上於FTC作賽，令今仗贏波更添難度︰「『嘉諾Sir』係好好嘅教練，教波好有感染力，所以呢場波幾難踢！喺FTC比賽點都有影響，尤其呢度練波有時好大風，仲要係一時時，比較難預計！」