非常時期更需同舟共濟

相信許多熱愛本地波的球迷朋友和我一樣，都已飽受「波癮」折騰多時。經足總與各港超球會在本周初開會後，決定將16場「菁英盃」分組賽，以及兩場「足總盃」首圈賽事，安排在本月11日開始，假將軍澳賽馬會香港足球總會足球訓練中心「閉門作賽」。無錯，中心的設施和場地質素，跟正式的比賽場地乃存有一定距離，但以現時的環境，有場地可以讓賽事繼續進行，已屬萬幸。

我們都樂於接受安排，但大家口中的「立立」，日前照向我發牢騷：「『莫生』你都唔知呀！開會嗰日我提出可唔可以畀喺將軍澳基地練波嘅球隊場租有優惠，話到事嗰兩、三位你眼望我眼，淨係答話會再開董事會研究！學吓傑志『伍生』咁大體啦！」吓？我有沒有聽錯？Philip竟然讚「伍生」？

傑志借場地予友會確抵讚

問清楚，又的確抵讚喎！原來早在康文署「封場」之初，傑志石門中心已經以先到先得方式，給港超球會練波，現時暫停對外開放下，更「免費」讓友會解決操練場地問題，聽講未計標準流浪，和富大埔、愉園、香港飛馬和富力R&F，甚至港甲的晉峰，都是受惠球會。艱難時刻，同舟共濟，器量之高值得當權者學習；亦足見「立立」對事不對人，應讚得讚。

專欄輪住嚟

標準流浪會長 莫耀強