袁世傑黎培基唔同晒！

「世傑」由愉園喺丙組開始踢上嚟，初頭同佢溝通好辛苦，無論同佢講咩，佢都好似無反應咁。成日自己一個人，又唔同隊友溝通。

去年12月才滿20歲的袁世傑，中三開始加入車路士足球學校（香港）青年軍，並隨愉園由丙組開始，一路征戰到今季升上港超聯。「係呀！我同兩個細佬好細個就踢車路士，而愉園由丙組打到上港超，我都喺隊波度，淨係喺乙組嗰季下半季借咗去東昇咋。」昔日「零反應」的「孤獨精」已經長大了，談吐得體，整個訪問過程更展現出自信的眼神。

黎培基	袁世傑（惀園提供）	山度士（右）對同是「細粒型中場」的黎培基有讚冇彈。

佢好快好靈活，踢法都好蠱惑，甚至可以話係鬼祟，哈！哈！但就一定唔係大膽嗰隻，啲五五波輸梗咁滯。

袁世傑今季共為愉園上陣15場，當中4場為後備上陣，可稱得上這支擁有13名U22球員的球隊之絕對主力，加上又是香港五人隊成員，名字早已為球迷所認識。估不到這位球隊主力，會以「唔係好順咋！」來形容自己的際遇：「細個港青叫我去跟操，操咗半年先有機會代表港青上陣，令我知道每個機會得來不易。仲有我其實最擅長踢右翼，所以踢433、451呢啲陣式就冇問題，但依家球隊多數用352，我好多時都唔知點好，定唔到位，發揮就唔係咁理想喇。」

牢騷過後，這位同時就讀於城大中文及歷史系Year 1的年輕人補充道：「我有將我遇到問題同教練傾，好多謝佢肯聽我講，同畀番意見我。其實總要有一啲轉變，我會努力適應，教練亦話會睇情況，安排我去踢中場或者前鋒。總之最緊要幫到球隊！」

呢幾年睇到佢嘅改變同進步，係細粒啲，但係佢有佢嘅能力，應該可以踢得起嘅！

香港五人隊方面，「世傑」謂只要教練選他，他都樂於為港出力，並強調五人足球對他踢大波（11人）都有許多幫助，他亦十分享受與兩位弟弟「世斌」和「世寶」，一同為香港五人隊披甲。原來「世傑」的妹妹「曉彤」亦是香港隊成員：「佢唔係踢波，佢係跳繩嘅，我哋4兄弟妹都有幫香港體壇出力，哈哈！」「世傑」在訪問中談及3個弟妹時，顯得最開心。

最後，被問及視哪一位港超球員為目標時，「世傑」毫不考慮便道出「黃洋」兩字：「一位好有經驗嘅球員，好有領袖風範，表現又穩定，我最欣賞佢默默耕耘嘅態度，希望我都可以做到佢咁。」

好波都好波嘅，但就一定唔係主動嗰隻，冇乜自發性，呢方面要改善吓。

愉園於上月中的一場主場賽事，落後一球劣勢下，憑後備入替的黎培基尾段射入罰球扳平，成功取得寶貴1分；這記靚罰球更成為1月份的候選「最佳金球」。但原來今季才加盟愉園的「培基」，上季曾婉拒過「鮑Sir」（愉園主教練鮑家耀）之邀請，寧願隨車路士足球學校（香港）出戰丙組聯賽。

「嗰時驚自己喺甲組會冇得踢，所以選擇去踢丙組先，爭取多啲出場機會！」最終，上季協助車路士足球學校（香港）奪得港丙冠軍兼升班資格的「培基」，今季前才揮筆投效愉園，征戰港超。

我同佢講要入禁區，唔入嗰啲攞萬零兩萬蚊人工，入禁區射到波嗰啲先會攞五、六萬，點知佢話萬零兩萬已經夠使，激死我！

在港青被教練安排出任防守中場，在愉園則擔任進攻中場，對於球會教練團的安排，不知「培基」本人有何睇法呢？「踢青年軍賽事都可以嘅，但喺港超我咁嘅身形踢防中，點夠人撞呀！不過其實踢乜中都好，都要有信心先得，呢方面『鮑Sir』佢哋幫咗我好多。」

14歲在車路士足球學校（香港）開始接受訓練的「培基」，不僅獲愉園教練團賞識，就連本地足球Icon人物山度士，也對其有讚冇彈：「我哋都係身形細粒嘅中場，要清楚自己強、弱項喺邊，避重就輕，即係要有腦！呢方面『培基』做得唔錯，但同我比仲差少少，嘻嘻！」

曾經因為走動少、活動範圍細而被「鮑Sir」教訓，佢亦因為駁嘴令「鮑Sir」哭笑不得。「同佢講笑咋！我明白佢嘅比喻意思係咩，同之前比較我踢得放好多，有機會落場都會嘗試去盡情發揮，希望可以慢慢做到教練佢哋要求。」至今已為愉園上陣12次，當中4次後備的「培基」堅定地道。

早兩年睇佢幫港青踢防中，好鬼懶，行行企企，點踢防中呀？有啲技術，踢進攻中場就啱佢喇，但都要勤力啲先得！

從聯賽揭幕戰對傑志後備入替緊張到「腳都震」，到去仗「開齋」入波成為「快活谷」救星，黎培基無論盤扭、傳送和埋門，各方面都不斷進步。惟這位談吐比實際年齡成熟得多的「01仔」，坦言絕不會自滿，反而會鞭策自己，向目標「林嘉緯」進發：「踢進攻中場嘅林嘉緯身形都唔高大，但靠技術同食腦可以立足咁耐，對曼聯亦試過入『世界波』，好值得我學習。」

曾經表示希望球迷認得他的「培基」，最後和筆者分享一件開心事。「有日我哋喺曾大屋練波，走嗰陣大家都戴晒口罩，突然有球迷走埋嚟認得出我同嗌我全名，想我簽名同合照，嗰刻真係好開心。」

文：戴陶蔚