姚浩明回巢︰郭Sir令球員更自律
另一邊廂，早「郭Sir」一步重返元朗的中場姚浩明認為：「放新年假之前已經知道『郭Sir』會返嚟，我踢咗一場比賽之後都知道球隊需要一個有紀律性嘅人去帶領球隊，依家佢返嚟，我相信佢可以令到球員自律。」
兩人早前曾在香港隊合作，一同出戰雅加達亞運，「姚明」相信「郭Sir」能協助自己發揮所長：「亞運嗰陣佢都有同我講自己嘅角色係點，嗰陣佢都想我返元朗幫手，佢都清楚我嘅踢法，相信佢會畀到最合適嘅位置我。」問及目標時，「姚明」表明：「依家『菁英盃』排小組第二，希望喺呢個盃賽攞到成績，同時護級成功！個人方面就希望可以場場踢足，始終上半季喺飛馬都冇乜機會上陣。」