富力R&F回港防疫 楊正光：未有打算返廣州
訓練基地及主場位於廣州的港超球會富力R&F，因受「武漢肺炎」影響，部分職、球員本周二迅速回港防疫。該批球員昨假賽馬會香港足球總會足球訓練中心繼續訓練，除謝家榮受傷未能到場外，該課僅得13名球員出席，教練亦只得主教練楊正光一人。「楊Sir」更要一人分飾多角，參與分隊賽之餘，也要兼顧管理裝備等其他工作。
「楊Sir」收操後接受訪問時表示：「現時最緊要係安全，所有嘢都因應現時情況而定，但係都希望平衡到健康、安全、訓練量三方面，暫時呢段時間都係咁運作先，未來都要等足總同球會開會落實方案，目前未有打算返上廣州。」他續說：「球隊都擔心上面嘅情況，仲喺上面嘅球員要再睇吓點樣安排，暫時佢哋都會喺上面繼續訓練，之後點安排都未知。謝家強、林柱機、體能教練米爾高、迪布利、古拿依家身處自己喺歐洲嘅屋企，我哋都有畀Program（訓練計劃）佢哋自己保持訓練量。」
厄瓜多爾新箭抵港體測
目前球隊多名主力如基奧雲尼、羅拔圖、白鶴、利安高、林志堅、周煜辰仍身在廣州，「楊Sir」稱：「上面嘅球員開始擔心，特別係佢哋住嗰區好似有3個患者，所以謝家強等堅持唔返廣州。佢哋落唔落嚟香港最主要嘅因素係住宿，球會擔心酒店疫情爆發，但係我認為球員喺廣州嘅危險性仲高，所以建議一齊落嚟。」他補充說：「外援、入籍兵都願意返香港，只不過要解決住宿問題，但一切都要等足總同球會開完會再決定。」
另據了解，即將加盟的厄瓜多爾前鋒Daniel Angulo已抵港進行體測，意味此子若正式加盟，將隨「楊Sir」在香港訓練。
圖/文：何彥霆