香港足球總會昨日召開董事局特別會議，就「賀歲盃」的安排作研討，足總主席貝鈞奇於會後表示，至目前為止仍有待落實最後方案︰「依家已經肯定咗唔會有外隊嚟香港，所以希望可以安排港聯對港隊，但係頭痛在有球隊仲放緊假，所以要游說球隊支持。第二個方案（停辦）係最壞嘅打算，另外就睇吓有冇球隊可以加插盃賽賽事落去，但係都會面對住球隊放假嘅問題。」
「貝主席」透露，相信港隊對港聯的戲碼最大機會實行，而賀歲盃的安排必須於下周二（14日）前落實，假若確定在旺角大球場舉行，賽期將會是年初二（26日），而香港大球場則因成本較高或被棄用。至於「省港盃」方面，則仍有望於農曆新年過後上演，廣東省足球協會周三（8日）將派員來港作實地考察，雙方亦會同時就今屆賽事安排作商討。