熱血Fight

愉園鬥冠忠南區拔萃仔大戰

以年輕球員為骨幹的愉園，今季演出讓人眼前一亮，隊中幾位年輕球員表現大獲好評，上仗更擊敗勁旅富力R&F，取得「菁英盃」分組賽兩連勝。該仗獲主教練鮑家耀盛讚的18歲後衞葉卓文表示，十分期待與南區的鄭進泓對碰：「我喺拔萃同佢做咗6年隊友，青年聯賽都對咗好多次，都好耐冇同佢踢喇，希望今場可以對番佢，睇吓大家進步成點！」

自上月初於聯賽作客富力一戰後，「卓文」便連續多場比賽取得正選，他透露心理壓力逐漸減少：「第一次對富力自己由頭震到落尾，係驚嘅，但上場對番富力，已經放膽咗，用到個波亦敢同外援衝撞。不過我嘅力量、體格都仲要加強，亦希望再減少犯錯。」

冠忠南區沙維 鄭進泓	富力R&F箭頭 陳嘉宝	佳聯元朗前鋒 鄧子均

葉卓文鄭進泓由細鬥到大

近年積極投入青訓工作的冠忠南區，今季提拔了數名「自家青訓」上一隊，綽號「沙維」的鄭進泓便是其中一位。過去在青年賽事屢次與愉園戰將較量，如今一同投身職業足球，「沙維」期望：「由U13開始已經同黎培基、葉卓文嗰班鬥，佢哋喺愉園比較多上陣機會，仲要踢得幾好，如果有機會碰頭，希望踢得好啲，睇吓自己同佢哋依家嘅實力係點！」

「沙維」今季只得3次後備上陣機會，但他明言不論有沒有機會上陣都會做好自己：「如果有機會踢，賽前會模擬點樣應付對手，我身形單薄更加要硬淨啲；如果後備落場就要準備好啲，因為一落到去就要即刻適應強度、速度。」

富力R&F保希望唔赦佳聯元朗

現時於港超聯賽高踞榜首的富力R&F，在林樂勤季前因十字韌帶撕裂，幾近提早收咧下，限制了陣中U22球員人腳調動，令球隊在「菁英盃」的表現大打折扣，上仗更以1球不敵愉園，目前落後榜首佳聯元朗4分，今仗誓要贏波收窄距離力保出線機會。

睇實16歲陳嘉宝鄧子均

曾於3場分組賽正選上陣並射入1球的16歲小將陳嘉宝表示，對上仗表現感自責︰「經過幾場波之後，依家我心態上已經唔太緊張，好放鬆去踢每一場比賽。上場第一次踢足，70分鐘左右開始覺得攰，仲踢得愈嚟愈差，畀愉園絕殺，覺得自己最後嗰20至30分鐘幫唔到球隊。我覺得今場對手元朗班外援好有質素，所以都期待對佢哋。」

目前在聯賽尚未開齋的佳聯元朗，情況恰好跟富力R&F相反，在「菁英盃」以2勝2和得8分登上榜首，上仗以6比3擊敗和富大埔。曾在對愉園一仗取得入球的鄧子均認為，賽事對年輕球員上陣的規定，令戰況增添更多變數︰「球隊喺菁英盃成績比較好，可能因為各支球隊都有3位U22球員在陣，拉近咗彼此嘅差距，我哋分組賽首循環對富力都可以和2比2，甚至有機會贏，我認為呢個係因素之一。」

儘管「子均」今季已有入球進帳，但他坦言仍在不斷學習中︰「我仲有好多改善空間，因為經驗比較少，臨場發揮或者喺做決定方面仲爭啲。隊友同教練都有提過我，早啲觀察球場上嘅情況同變化，同埋嘗試早啲去預計同做判斷。」

文：何彥霆