烽煙2重奏

東方龍獅香港飛馬 榜首激鬥

目前排小組第2的香港飛馬周一晚聯賽不敵傑志，經過4天調整後，再次出戰「菁英盃」分組賽，上仗正選上陣兼踢足全場的19歲中場雷傑名坦言：「始終上場我哋踢得好、好齊心、好想贏，最尾輸1比2有啲唔甘心，好希望今場可以贏到！」

今仗挑戰小組榜首東方龍獅，飛馬若能贏波而回，便能取代對手「1哥」之位，「雷名」深明此理，惟認為需謹慎應對。飛馬早前於聯賽對東方龍獅，該仗「雷名」並未上陣，他表示十分期待，亦渴望與對方中場茹子楠交手：「因為我有睇過茹子楠踢波，覺得佢速度快、勤力、硬淨，唔似一個年輕球員，所以我好期待今場嘅對碰，亦希望喺佢身上學到嘢。」

茹子楠：盡量放鬆有助演出

東方龍獅現時於A組以3分領先香港飛馬，假若今場榜首大戰獲勝，便能將領先優勢擴大至6分，到時出線形勢絕對大好。頭3場分組賽均有踢足的茹子楠指出，心理質素對球員表現有密切關係︰「今季踢第1場菁英盃嗰時，自己有啲緊張，所以唔係踢得咁好，好在之後適應咗同放鬆去踢反而仲好，所以要學識唔好畀自己太大壓力！」

東方龍獅中場 茹子楠	標準流浪中場 彭林林	傑志中場 巴拉克

「茹子」又表示希望藉「菁英盃」爭取更多上陣機會︰「今年菁英盃改雙循環，變咗多啲比賽，可以畀教練睇到多啲嘢，從而可以踢得多啲。上場聯賽對理文自己係最主要嘅變動，但係就令球隊輸波，可能失波自己都有啲責任，但教練同隊友喺半場時都有鼓勵我，可惜嘅係下半場追唔番個比數。」

標準流浪搶分Show 力抗傑志

標準流浪目前在A組敬陪末席，如欲出線今仗不容有失。最後一屆以適齡球員身份出戰「菁英盃」的21歲中場彭林林，期望憑藉青春活力能擊敗傑志：「我哋之前喺聯賽都和過傑志，『菁英盃』我哋唔同位置有好多選擇，我覺得有機會贏o架！教練團為咗場波做咗好多準備，最重要執行到教練團嘅部署，成功的話表現會更加好！」雖然前鋒巴辛、後衞基藍馬及杜馬思仍未歸隊，但「林林」盼望能重溫舊夢：「上次和傑志我哋陣容都唔完整，所以今場希望攞晒3分！」

巴拉克：從失敗中吸取教訓

傑志現時位列小組第4，出線形勢被動，曾在對東方龍獅一仗入球的中場巴拉克（Aki）認為自己不斷在進步，雖然早前正選出戰「高級組銀牌」對理文遭遇大敗，上陣半場便因傷離場，但他認為是寶貴經驗︰「我認為再遇到同樣情況時，會知道點樣可以做得好啲。就算場波踢得唔好，都係一個體驗嚟，避免再犯同樣嘅錯誤。教練對我哋要求好高，佢都畀唔少機會我哋班年輕球員，希望踢得愈多進步愈快！」「藍鳥」今仗有代表過冠忠南區披甲的新兵高美斯未能上陣，另外守將李毅凱亦倦勤。

文：何彥霆