賀列地3兄弟同場較量 改寫NBA歷史！

塘鵝後衞賀列地（右）於兄弟內訌戰威番鋪。（美聯社圖片）

29歲的塘鵝後衞賀列地，無疑是3兄弟中成就最高一位，他曾在2013年參加全明星賽，2018年入選NBA防守一隊，今場他取得20分及7次助攻，帶領塘鵝輕鬆贏波。23歲的「細佬」艾朗賀列地上季登陸溜馬，今季開始受到重用，今場更加攻入全場最高25分；至於30歲「大哥」祖斯甸賀列地，今場上陣27分鐘得分「食蛋」，但仍然成為NBA歷史一部分。

• 「賀列地家族」一門三傑。（美聯社圖片）

願望齊齊代表美國隊

賀列地表示：「好正呀！我贏咗佢哋兼拎埋佢哋件波衫！希望我哋下次一齊比賽，係着住紅、白、藍嘅波衫，代表同一隊波（指美國隊）出賽。」