迪布利戴帽富力R&F挫理文
迪布利又掃3球！昨午另一場港超，富力R&F於主場燕子崗體育場迎戰理文，繼大炒元朗8比0一仗中食出「大四喜」後，富力前鋒迪布利今仗就大演帽子戲法，協助球隊以5比1大勝，升上榜首。
基奧雲尼「伊高」都有波入
坐擁地利的富力R&F開賽即搶攻，16分鐘即由迪布利接應謝家強長傳，殺入禁區推射得手開紀錄。34分鐘，輪到另一位射手基奧雲尼建功，助富力領先到2比0。雖然2分鐘後理文憑迪奧高回敬一球，半場富力領先2比1，但易邊後迪布利「發功」，相繼於68及71分鐘連入2球完成帽子戲法，加上伊高沙托尼射入12碼「埋齋」，結果富力贏5比1，4戰得9分暫時升上榜首。
賽後富力R&F主教練楊正光表示：「除咗戰果非常滿意之外，球隊整體表現、控球、用波、控制節奏都係比上次主場更加好。」他又指賽前一周特別加強防守訓練，今仗亦成功展示出來。另邊廂，理文主教練陳曉明坦言雖然大敗，惟強調士氣未有受損︰「尾段我哋係有啲冒險，搞到畀對手拉開比數，結果係唔好睇，但球員已經盡咗好大努力。」
文：陳焌鏗