首本香港體壇天書面世 珊珊阿寶都話正！
距離2020東京奧運不足10個月，香港資深體育人彭冲趁着即將踏入奧運年，推出新書《走過香港奧運路》，免費送贈學生，讓年輕一代對香港體壇有更深了解。
風之后睇好港隊東奧創歷史
「希望將自己經歷過、睇過嘅，記錄落嚟，由構思到出書差不多4年時間。」彭冲致辭時一度哽咽，昨特別請來奧運金牌「風之后」李麗珊及其丈夫黃德森、車神黃金寶、風之子陳敬然及現役運動員陳晞文、施幸余等撐場，「珊珊」表示：「彭生由做運動員開始，在總會、港協對體壇都付出很多，有好大貢獻，當然要嚟撐，書裏面好多內容，同埋呢本書會送畀學校，好有意義，值得大家去睇。」對於明年東京奧運，「珊珊」看好港隊成績可寫出新歷史：「香港很多項目都有攞獎牌機會，我相信會有新驚喜。」
此書概述港協暨奧委會的成立過程、香港出戰奧運會、亞運會、英聯邦運動會及東亞運的戰績，由信興集團贊助製作費，免費派予體育傳媒、大學及中學、公立圖書館及政府部門等，不作公開發售。
圖／文：木子