香港代表隊將於9月出戰「2022卡塔爾世界盃暨2023中國亞洲盃」聯合外圍賽第二圈賽事，分別在9月5日及10日出戰柬埔寨及伊朗。足總昨公布港隊23人球員名單及訓練詳情，港隊主帥麥柏倫表示，今次選人傾向經驗為先，但會繼續留意合適的球員，在之後的賽事作出調整。
對於今次選人，麥柏倫坦言有點難度：「因為我哋冇任何熱身賽嘅安排，我只係靠睇各球隊嘅操練同熱身賽，再用自己嘅判斷去揀球員。由於時間比較緊迫，所以今次選人會比之前對中華台北，側重較具經驗嘅戰將。但我會喺球季開咗之後，留意各隊球員，有表現嘅、合適嘅，都會喺之後搵佢哋幫手。」
香港隊將會喺首周港超聯完成後翌日，即9月2日展開首課操練，9月3日晨操後起程飛赴金邊，備戰9月5日作客柬埔寨的首場賽事。
守門員：葉鴻輝（東方龍獅）、王振鵬（傑志）、袁皓俊（理文）
後衞：翟廷峯、馮慶燁（東方龍獅）、法圖斯（貴州恆豐）、羅素（河北華夏幸福）、丹尼、艾里奧、唐建文（傑志）、徐宏傑（梅州客家）、梁諾恆（富力R&F）
中場：李嘉耀、徐德帥（東方龍獅）、陳俊樂（廣州富力）、黃洋、鞠盈智（傑志）、陳肇鈞（冠忠南區）、黃威
前鋒：艾力士（大連一方）、辛祖、孫銘謙（和富大埔）、夏志明（冠忠南區）