從門將…到健身教練…到創業 吳逸凱天然奶茶緣

吳逸凱（右三）榮升老闆，余倫興、范俊業、陳健安、唐咖名和李瀚灝到賀。（吳逸凱提供圖片）

由職業球員到健身教練，到健美運動員，再到創業做老闆，「阿凱」直言一路走來，自己對每個人生階段皆認真對待，他說：「無踢職業足球之後，我喺『健身教練』上面花咗好多精神同心機，工作上搵到好大滿足感。本來我諗過開私人健身室，但最後覺得某啲位唔係咁行得通，加上想再挑戰吓其他嘢，所以決定創業，學人搞生意。」

球圈好友齊撐良心老闆

萬事起頭難，做生意亦一樣！「真係一啲都唔簡單！由選舖、裝修、請人，到培訓、管理宣傳等等，冇一樣係容易處理嘅，真係頭都大埋。好彩最後總算搞掂晒，順利開到張。」口裏說困難重重，臉上卻展現滿足神情的「阿凱」道。

吳逸凱（右一）曾出戰健美賽事。（吳逸凱Facebook圖片）

吳逸凱（中）曾為太陽飛馬把關，與傑志的巴倫古素交手。（資料圖片）

做生意賺錢緊要，良心更加緊要，篤信佛教的「阿凱」，為了讓茹素者可放心飲用其「堅果奶茶」或「水果茶」，所有食材均全天然，並且不會加入牛奶、奶精，亦不會使用加工糖分。「一個『緣』字很重要，我離開咗球圈咁耐，一班球圈好友依然嚟支持我，係緣；開舖頭選擇了台灣的品牌NUTTEA都係緣。我好珍惜佢哋（指球圈好友），同樣好珍惜今次創業嘅機會，我會努力去做。」「阿凱」補充謂。