查維斯唔踢中堅同Mr.Right爭位
冠忠南區多名新兵昨日悉數亮相，其中查維斯、陳廣豪、川瀬浩太均期望在新球會交出好表現。
過去3季效力香港飛馬的「大水牛」查維斯表示：「我同冠忠南區球員關係好好，喺香港踢咗3季對南區有一定認識，今次轉會係一個唔難下嘅決定。」他續說：「競爭大可以迫使我哋交出最好嘅一面，高美斯（Mr.Right）同夏志明都係好強嘅射手，我要努力去爭取正選。」查維斯能出任中堅和前鋒兩個位置，問到會否再次擔任中堅時，「大水牛」就笑言「Ricky」曾說不會安排自己出任中堅。
至於從佳聯元朗來投的陳廣豪期望能協助球隊奪冠，他承認隊內競爭大，需盡快適應踢法。上季效力夢想FC的川瀬浩太則重申，希望自己繼續進步，並會一如去季出任中場或中堅。