師傅話男人一定要剛陽味十足至夠威猛，咁先至得女人鍾意。不過近期天氣咁熱，大家都會選擇留喺室內涼冷氣而唔出去曬太陽，不過又唔使驚咁會唔夠陽氣，因為我哋有被稱為「九州之太陽」嘅佐藤愛里，就幾時都咁朝氣勃勃呀！
香港每年都會有選美活動，不過唔知係班佳麗吸引力唔夠，定係選美節目了無新意之餘，司儀班底更係十年如一日，真係冇乜興趣睇！提到選美活動，日本比香港更多，而且論睇頭更加勝人一籌，因為每位入圍佳麗嘅質素真係非常高，今日同大家見面嘅佐藤愛里就係選美出身喇！
今年22歲嘅佐藤愛里予人一種清新又具治愈嘅氣息，樣貌清麗脫俗，笑起上嚟真係令人甜到入心。至於身材方面更係令人印象深刻，一來夠高挑，二來屬於罕見嘅薄身大胸型，胸前對天然E奶更見突出誘人。
由於愛里成日都咁好笑容，整個人都散發住健康陽光美，又因為佢喺九州宮崎縣出生，所以有「九州之太陽」嘅稱號。大家唔好見愛里拍寫真嘅時候表情自然又動作純熟，其實佢喺上年才正式加入寫真界，而契機就係上年以素人身份參加雜誌小姐選舉，雖然最後三甲不入，但係亦獲得「審查員特別獎」，而之後嘅發展亦不下於其他得獎佳麗。
另外，據聞愛里擁有幼稚園教師資格，不過喺朋友嘅鼓勵之下參加選美，繼而投身寫真界，到近期工作唔只限於拍寫真咁簡單，仲活躍於電視圈，同時擔正做廣告女主角，前途一片光明。
簡介：佐藤愛里近期密密與其他2018年雜誌小姐選舉嘅得獎佳麗拍寫真，想欣賞愛里以及佢班好姊妹嘅誘人身段，不妨Click入去愛里嘅社交網，因為佢會將拍攝花絮同大家分享。
網址：https://twitter.com/aili_1001
年齡：22歲
身高：5呎5吋
三圍：33E-23-34
撰文：賢