增兵未閂閘信成績唔信風格 冠忠南區心雄衝冠

今季球隊在劉學銘、車潤秋、陸志豪、蘇沙、卡拉錫等主力離隊後，簽入陳肇鈞、查維斯、川瀬浩太、陳廣豪等作填補，主教練鄭兆聰（Ricky Sir）明言：「希望可以好過上季，我哋有信心再做好啲！」他又稱：「足球都要講際遇同運氣，之前4年聯賽拎到中上嘅成績，我哋當然希望攞到冠軍，等大家開心吓。」

新季旺角場做主場

現時球隊擁有上季3大「華人神射手」——夏志明、陳肇鈞、陳廣豪，同時亦有高美斯、查維斯、迪亞高，新季進攻線將具備更多「瓣數」，「Ricky Sir」指需要透過季前熱身賽找出最佳組合。守門員謝德謙、中場陳肇鈞、前鋒夏志明去季曾當選「最佳11人」，「Ricky Sir」期望他們能忘記過去：「足球唔講之前，講今日同將來，所以我叫佢哋今季要繼續攞獎，點先可以再攞獎？就要勤力啲、飢渴感多啲！」

「Ricky Sir」依然屬意3中堅陣式，同時亦強調：「我個人理念唔係好信風格，淨係信成績，現代足球你輸咗3場就冇咩風格，最緊要效率好。」人腳方面，球隊6名外援已落實，未有意羅致國援，但本地球員則仍有變數，「Ricky Sir」透露：「我哋未閂門嘅，暫時OK，多多一個本地球員都唔出奇。」

冠忠南區新兵陳肇鈞（Philip）繼2017至2018球季後再度加盟，他明言首要目標是協助球隊捧盃，自己能否再成為「最佳中場」，以及獲得香港隊徵召則屬其次。Philip又透露回歸原因在於：「有兩樣嘢打動到我，第一係贊助商冠忠巴士好有心機去搞，除咗投資，亦好照顧同相信球員，完全冇畀壓力我哋。第二係教練團好好，『Ricky』好信任我，畀好多自由度我。」冠忠南區新季將採用旺角大球場作主場，並於下月初前往泰國集訓，期間將約戰泰超、泰乙球隊。