「翹叔」投愉園望開靚個頭
新季登陸港超聯的老牌球會愉園昨晚宣布成功羅致門將屠俊翹。「翹叔」透露愉園早於上季結束即邀請自己，其後「阿翹」到西班牙跟操時，雙方仍保持聯絡、誠意十足，加上自己渴望尋求新挑戰，因而回港後決定揮筆簽約。加入新球會，「阿翹」期望：「開季第一場希望攞到3分，開好個頭之後會順啲。今季同一班後生仔合作，希望可以快啲融入。」
屠俊翹在頂級聯賽已征戰了8個球季，上季為夢想FC於港超聯及各項盃賽上陣20場，除爭取更多上陣機會外，他亦希望可提攜愉園一班首季踢港超的小將。早前到西甲球隊雷加利斯試腳的「阿翹」，對當地球員的決心、鬥心以至訓練期間展現的硬朗作風印象深刻，亦希望將這些意識灌輸給新隊友。