抵台備戰遇上地震 傑志鬥航源或變陣
將於明晚出戰亞協盃I組賽事，作客對中華台北代表航源的「藍鳥」傑志，昨日早上大軍飛抵台北，入住酒店及用膳過後，下午即前往迎風足球場，並於該仿真草球場進行內容較為輕鬆的首課操練。儘管期間台北市曾發生震度為3級的地震，但傑志職球員均未有感受到震動。
僅17名球員隨隊
傑志主教練朱志光透露，球隊今趟作客之旅僅得17名球員隨隊，當中列斯奥雖已復操，但仍需時間恢復狀態，至於傷兵名單除盧卡斯外，亦增添了中村祐人。至於後衞李毅凱則因停賽未有隨行，「朱Sir」謂︰「喺作客情況下，球員可能會被動啲，始終我哋唔係好夠人用。呢邊空曠得嚟都係熱，要應付90分鐘賽事並唔易，陣容上可能要焗住出一啲年輕球員，或者會畀『羅梓』（羅梓駿）出先，『唐文』（唐建文）安排做替補中堅，萬一中堅有事都有人頂替。呢邊濕度比香港更高，但係今日喺仿真草練波唔可以作準，唔敢畀球員有太激烈嘅練習住，只係等佢哋舟車勞頓後有適當嘅訓練量。」
何彥霆台北直擊