白間美瑠露得太遲

機會嚟到就要好好把握,否則等到機會悄悄溜走,後悔就已經太遲。而即將推出首本個人水着寫真嘅白間美瑠就話自己露得太遲,點解咁講?皆因佢擁有一副好身材,應該一早就露畀大家睇喎!

纖巧迷人

日本樂壇有好多成員人數眾多嘅大型團體,好似AKB48、乃木坂46等等,當中有好多成員都係可愛嫩口又好身材嘅美人兒,出身於SKB48嘅三上悠亞更加迷盡亞洲男兒添!不過比起投身AV界,各團體嘅成員則比較喜歡進軍寫真界,例如來自NMB48嘅白間美瑠最近就積極喺寫真界發展喇!

今年21歲嘅白間美瑠以前面圓圓有啲包包面,但係經過努力收身減肥後,家陣已經變成一副瓜子口面,配合標致嘅五官,簡直係魅力沒法擋。此外,美瑠嘅胴體亦婀娜纖巧咗好多,但係上圍對D奶仍然咁有睇頭,真係令人睇到口水流!

直衝目標

喺2010年,即係美瑠13歲嘅時候參加NMB48嘅面試,成功取得資格成為呢個龐大偶像團體其中一位成員。由於美瑠喺歌舞方面表現出色,形象亦鮮明出眾,人氣上升得相當快,因而獲得客串做AKB48成員嘅機會。不經不覺,美瑠已經大個女,近年開始展露性感拍水着寫真,首本個人寫真集決定喺6月推出,為隆重其事,今次遠赴澳洲取景拍攝添!

提到呢本寫真集,美瑠就話推出得太遲,因為佢對自己副身材一直都好有信心,覺得咁遲先展露畀大家睇,真係對唔住各位鍾意睇靚女嘅觀眾;另外,今次搵來曾經為白石麻衣以及生田繪梨花拍寫真集嘅攝影師中村和孝操刀,美瑠希望寫真集好似呢兩位女優嘅寫真集咁暢銷,目標係推出超過10萬本,在此祝佢願望達成啦!

社交網站

簡介:白間美瑠會喺社交網頻密地發表新消息以及分享生活點滴,粉絲們一定要緊貼阿妹嘅社交網喇!

網址:https://twitter.com/shiromiru36?lang=ja

白間美瑠Profile

年齡:21歲

身高:5呎3吋

三圍:34D-24-35

撰文:賢