東方龍獅校訪樂滿嘉諾撒

活動以職球員分享親身經歷作引子，打頭陣的是隊長梁振邦。年輕，就是追夢的本錢，但是在追夢的路途上，往往都是荊棘滿途。故此，「隊長邦」鼓勵小朋友不要輕易放棄：「每個人都一定會遇到困難，但係遇到困難嘅時候，最緊要係堅持，唔好放棄信念，以正面嘅心態前進，最終一定會成功。」小將陳靜謙則提醒小朋友要好好裝備自己：「希望自己喺心態上可以做得更加好，雖然自己唔係成日有得踢，但係每課練波、比賽都希望可以盡力表現自己。」

助教羅志焜出「怪招」，將足球收入球衣內。	笠臣大騷腳法，氹得同學們笑晒。	迪高玩「搬龍門」，一班小朋友冇晒符。

分享自身追夢經歷

為了到達成功的彼岸，我們需要良師益友在身邊提供意見，助教羅志焜稱：「最重要係紀律、集中力！紀律就係遵循教練嘅指示，另一方面教練做示範嘅時候最緊要要集中，因為年紀細好容易心散，所以集中力都好重要。」而主教練安祖史杜錫就認為足球在技術上、體能上、心理上各方面都十分重要，更要跟從老師、教練的指引，才能好好發展個人技術。

除了個人經歷分享，是次活動還包括技術示範，並邀請小學生參與走位及射門訓練。經一輪訓練後，就要進行「實戰」，東方先派出笠臣、迪高、陳靜謙迎戰10位足球小將，在兩位巴西中場建功下，以2比1拿下首局。次回合，東方由梁振邦頂替笠臣，與15位同學仔較技，及後更有羅志焜加入，最終雙方以1比1打成平手。

在活動尾聲，東方職球員向小學生派發紀念品，他們表現雀躍，更隨即向球員、教練索取簽名，其中以「隊長邦」和迪高最受孩子歡迎。放學的鐘聲縱響起，但現場不少學生仍不願離開，相信是次活動已為他們留下美好的回憶。