昨日另一場「亞協盃」I組賽事，傑志遠征北韓鬥4.25SC，最終「藍鳥」以0比2不敵主隊，小組兩戰皆北。
是役傑志前鋒盧卡斯因傷未有隨隊，前線由佐迪「廖化作先鋒」。為了尋求穩守，「藍鳥」派上後衞唐建文串演右中場，門將則由郭劍橋擔正。上半場4.25SC球員以身型優勢壓制傑志，幾乎控制整個戰局，大部分攻門鏡頭都是由主隊炮製，傑志僅有較具威脅的攻勢在27分鐘出現，唐建文接應皮球後作出一個「急勁」傳中，可惜禁區無人接應。若非門將「阿橋」連番撲救，相信「藍鳥」上半場便已失守，半場雙方踢成0比0平手。易邊後傑志因一次後防失誤先失一球，及後傾力反撲未果，反遭主隊再下一城，結果以0比2敗陣。
傑志主教練朱志光賽後認為，球隊整體表現不俗，落敗主因是下半場體力下降，及主將傷停所致：「上半場我哋先求穩守，結果都守到半場。但下半場好快因一個失誤先落後，之後我哋嘗試壓前啲，結果再輸多球。始終嚟到北韓，部分球員經驗唔夠，而且盧卡斯冇嚟令到我哋前線停唔到波，因此體能消耗好大，對手體力又好，速度亦快，我哋番去要諗諗主場嗰場點部署。」至於中場中村祐人則坦承對手表現較優勝：「對手表現好好，所以我哋上半場試圖防守，但下半場有啲攰，最後輸咗。」他希望下場可以憑主場之利戰勝對手。