on.cc東網直播冤家三部曲最終章 佳聯元朗香港飛馬爭笑到最後
菁英盃4強今午在旺角大球場上演冤家碰頭「三部曲」的「最終章」，由連續三周對壘的佳聯元朗及香港飛馬爭奪決賽席位。先於「第一章」足總盃8強憑互射12碼晉級的佳聯元朗，助教楊獻輝期望球隊在「第二章」港超對決嘗敗仗後，能及時重新振作；香港飛馬主帥陳浩然認為上周碰頭贏波而回，為球隊今日爭勝打下強心針！（on.cc東網周六下午4時直播）
佳聯元朗主教練郭嘉諾離港修讀職業級教練牌照，今戰未能領軍，助教楊獻輝稱問題不大︰「其實之前都試過，球隊亦適應嘅，當然主教練唔在場，點都會有啲影響，但球員都知就算『郭Sir』（郭嘉諾）唔喺現場，教練團會點部署，『郭Sir』都同我哋有保持聯絡。」
楊獻輝：上仗輸波激發更強鬥心
對於雙方上仗在聯賽交手以一球見負，「輝Sir」認為賽果會激發球員更強鬥心︰「上場球隊用得比較多年輕球員上陣，亦都見到落場球員搏到盡。場波唔係踢得唔好，喺被判罰12碼之前，我哋有好多機會入波，最終雖然輸波，但球員都見到自己表現唔錯，信心冇咩影響，反而喺戰意同爭勝心方面會更強。」傷兵方面目前基爾頓及卡立有輕傷，另外借將張健峰則因在菁英盃中曾代表東方龍獅出戰，今仗無緣披甲。
「三部曲首章」足總盃戰至互射12碼落敗而8強止步的香港飛馬，上仗聯賽復仇成功，尾段憑佐佐木周的12碼，以1比0小勝佳聯元朗，主帥陳浩然坦承能令球員重拾信心︰「雖然只係一場聯賽，但為我哋打咗支強心針，始終冇信心嘅話，任何戰術都難以執行，所以呢場勝仗對我哋今日嘅部署好有幫助。」
陳浩然：人腳部署繼續變
「陳Sir」透露今午人腳及部署或有再變︰「今場對大家嚟講都好重要，呢3場波我唔會畀同一班人去踢，會搵一啲狀態最好嘅落場，鬥心同爭勝心強嘅球員更會優先，會因應唔同戰術用唔同嘅人。上場結果想畀啲少上陣嘅球員知道，放佢哋落場我哋都能夠贏。」基於大衞拉菲爾、曾至孝及袁振昇分別因代表過友會在賽事中上陣，3人無緣為香港飛馬出戰菁英盃。
首部曲
3月31日足總盃
90分鐘連加時1:1
佳聯元朗12碼勝4:3
次部曲
4月7日港超聯
香港飛馬勝1:0
何彥霆報道