謝惠琪越洋學法求無悔

大學3年級那年正是謝惠琪開始打棍網球的一年，自此與這項運動結下不解緣，「打咗5年，2016年開始入選港隊，2017年跟港隊打世界盃，嗰屆仲攞埋MVP。」雖然當屆賽事最後一場，港隊慘遭拉脫維亞反勝，但Vickie表示早已將憾事放下，現時目標非常明確，她說：「嚟緊4月打『Open』，全隊嘅目標當然係衞冕，今年比賽多咗嚟自南韓、日本等強敵，希望喺賽事打到應有水平，擊敗佢哋。」

辭工隨職業隊訓練

今年6月在南韓舉行的「亞太錦標賽（ASPAC）」是2021年世界盃的預賽，為了協助球隊躋身世界盃，「惠琪」之前更特意辭去穩定收入的政府工，自墊旅費遠赴日本和澳洲，隨澳洲職業隊跟操，更參加在日本舉行的職業賽選拔。她表示這兩次難得的經驗，不僅提升其個人能力，亦有助提升港隊整體實力，她謂：「兩國球員無論速度同技術，都有好多值得我哋學習嘅地方。從中了解職業隊嘅打法，希望可以將呢啲新打法同港隊隊友分享，繼而喺ASPAC爭取佳績。」

辭去薪優糧準的工作，更自費越洋學法，Vickie明言「今生無悔」！「2017年攞咗世界盃MVP，驅使我追求更高層次，趁未需要安於工作，出去試下自己嘅水平去到邊，可能之後都唔會再有咁嘅機會，所以我願意去試。」Vickie現時在大學任職行政工作，工餘則兼顧訓練，她表示會堅持下去：「雖然好辛苦，但我真係好鍾意棍網球，有信心可以兼顧到，我係嗰種如果夠鍾意一件事，就幾辛苦都會去做嘅人。」Vickie補充謂，儘管棍網球現時還未被正式納入奧運項目，但都希望有朝一日，可以球員身份出戰奧運。

男女子決賽東網直播

「香港棍網球公開賽2019」將於4月19至22日，於香港大學何鴻燊體育中心舉行，屆時將會有來自南韓、日本、中國等強隊，與力爭衞冕的香港男、女子代表隊爭奪王者寶座。歡迎各界人士親臨現場觀戰並為香港隊打氣！一如上屆，賽事不設門票，而on.cc東網和香港棍網球公開賽facebook專頁，將會同步直播女子組和男子組決賽。

圖/文：黃雋謙（部分相片由受訪者提供）