佳聯元朗香港飛馬又鍊過
尾場佳聯元朗隨後在元朗大球場再遇香港飛馬。上周碰頭「橙衫軍」於足總盃8強憑互射12碼晉級，主教練郭嘉諾豪言︰「我哋不嬲喺主場都會去盡，因為要回饋球迷支持。上場完咗我講過升班後未贏過飛馬，啱啱嗰次叫做12碼贏咗，好想喺90分鐘內『KO』佢哋。我哋心態同戰意都強，加上贏完佢哋冇耐，所有嘢都喺我哋呢邊！」上仗遭內部處分停賽的杜馬思，剛於預備組聯賽有份披甲，今仗應可復任正選。
陳浩然：今次要做番好啲
香港飛馬主教練陳浩然賽前表示：「上場表現唔到我哋最好嘅一面，進攻上需要改善，希望做得唔好嘅地方，今日做番好啲。」剛加盟的基奧上仗後備上陣，問到其融入情況時，「陳Sir」謂：「我哋冇呢類型球員，基奧係一個易夾嘅球員，所以要畀其他球員知道點樣去配合佢，令佢可以有最好嘅發揮。」飛馬目前沒有球員受傷，惟後衞羅曉聰累積5張黃牌，今仗需作壁上觀。