凱景和富大埔鬥搶分
「中銀人壽香港超級聯賽」今午有兩場好戲，頭場凱景下午2時30分於主場深水埗運動場鬥和富大埔；尾場5時30分則有佳聯元朗「3鬥」香港飛馬的「次回合」激戰。
榜尾凱景現落後理文4分惟少踢一場，餘下每仗都不容再失，主教練馮凱文期望：「大埔上周中踢完亞協盃，希望藉主場同體力嘅優勢搶到分。」凱景自上輪聯賽對東方龍獅後，已超過兩周沒有比賽，「馮Sir」稱：「我哋Keep住友賽去保持狀態，同時間亦都畀傷兵有時間復原，特別係隊長杜瑋鴻、許嘉樂都已經復操。不過孫銘謙踢完港隊返嚟有傷，而李啓智喺練波時受傷，提早收咧，所以排陣都有啲頭痕。」當中許嘉樂及羅拔均要停賽。
李志堅信球員去盡每分力
和富大埔主帥李志堅表示，球隊在亞協盃贏波後重拾信心︰「球員有番信心，喺呢個時刻非常關鍵。每場波都有好多變化，例如有球員受傷等，態度會決定好多嘢。嚟緊大家都要去盡每分力，我哋嘅球員做到呢點。」上仗因傷退下火線的李家豪及翟廷峯，前者因足踝扭傷而缺陣，幸好後者則可候命。