獨行俠新星普辛基斯涉嫌上年喺屋企強姦一名女鄰居，正受紐約警方調查。《紐約郵報》報道案發喺去年2月，二十幾歲嘅女事主話普辛基斯邀請佢去屋企聚會，女事主應邀後即被呢位拉脫維亞23歲球星強姦。報道話普辛基斯事後承諾出「掩口費」68,000美元（約53萬港元），但最後女事主都係收唔到呢筆錢。比賽方面，占士夏登尋日轟入50分兼食出大三元，帶領火箭主場贏帝王119比108，正式終結帝王季後賽美夢。同樣無緣季後賽嘅湖人，則宣布勒邦占士今季唔會上陣。