8強開打捲起最Hot風暴

和富大埔夢想FC狹路相逢

剛躋身亞協盃分組賽的和富大埔，頭場在將軍澳運動場迎戰夢想FC。兩隊今季兩度碰頭，先於聯賽打成平手，及後菁英盃則由夢想FC贏波。「綠戰士」主帥李志堅提醒球員切勿鬆懈，而夢想主教練梁志榮亦坦言對手不易應付。（周六下午2時30分開賽）

李志堅：捱過難關要Keep住

和富大埔早前於11日內連踢4仗，亞協盃晉級之餘，聯賽亦錄得兩連勝，「堅Sir」雖滿意表現，但寄語球員不可鬆懈︰「經歷今次考驗，可以睇到球員應付頻密賽事嘅能力，尤其上場反勝飛馬，球隊係處於一個幾惡劣嘅環境，部分球員更加係病咗，捱過呢關都唔可以放鬆，因之前試過好多次，克服完硬仗後，喺簡單嘅情況反而失守。」至於傷兵方面，感染乙型流感的李嘉耀仍未病愈，而勞高日前接受磁力共振掃描後，證實毋須施手術，惟能否趕及上陣則成疑。

夢想FC上場聯賽1球僅負冠忠南區，在國際賽檔期曾約戰甲組班霸愉園，主教練梁志榮希望給予年輕球員比賽經驗。今季夢想FC兩鬥大埔取得不敗戰績，來到足總盃戰線，「梁Sir」明言：「佢哋多咗辛祖會唔同，我哋都係平常心去踢呢場波，順其自然啦！」早前3位小將林衍廷、林樂勤及彭林林隨港隊U22出征蒙古，「梁Sir」表示：「我相信佢哋狀態會幾好，係驚適應溫度上會有困難，始終嗰邊咁凍、呢邊咁熱。」

夢想FC重炮 馬高斯（白衫）	傑志大腦 鞠盈智（右）	和富大埔神鋒 伊高沙托尼（右）

傑志衞冕首擊火併理文

尾場傑志與理文會師旺角大球場，月初兩軍於菁英盃交鋒，結果由理文勝出，惟今仗有余煒廉及干沙利斯一對中堅停賽，新加盟的「寶島」中堅陳庭揚有望首度披甲；力求衞冕的「藍鳥」主教練朱志光直言，踢淘汰賽必要小心應對。（周六下午5時30分開賽）

朱志光：防守意識要加強

傑志上輪聯賽擊敗佳聯元朗後，重奪聯賽榜首之位，巴西前鋒盧卡斯於該仗雖在落地時雖不慎弄傷，但相信並無大礙。主教練朱志光坦承球隊在防守意識上需有所加強︰「有啲球員可能贏完富力後，鬆散咗少少。始終我哋都係主攻嘅球隊，如果前場失咗波而喺防守上欠缺積極性，會畀到壓力自己後防。」「朱Sir」續稱︰「淘汰賽一場過，理文人腳唔太差，隊波暫時唔係咁順嘅情況下，總會有『反底』時候。」

理文中堅余煒廉在上仗聯賽對佳聯元朗領紅牌，隊長干沙利斯亦累積5面黃牌，意味一對中堅今日均需停賽，早前簽入的中華台北中堅陳庭揚或會披甲，主教練陳曉明表示：「我哋透過練波令佢明白我哋嘅要求同踢法，睇番佢呢兩個禮拜表現，我對佢有信心。佢最大優點係速度相當快，現今足球就係要快、要包波，佢可以做到呢樣嘢。」除一對中堅停賽外，翼鋒鄭兆均在出戰「亞洲足協23歲以下錦標賽外圍賽」時受傷，預料今仗缺陣。